Dita e sotme pra 9 Dhjetori njihet në të gjithë botën si “Dita Ndërkombëtare Kundër Korrupsionit”, por për Shqipërinë kjo duket se ka një domethënie të veçantë.
Kjo, sepse në Shqipëri është i vetmi shtet në Europë që në këto 30 vite demokraci, nuk ka përmirësuar aspak situatën për të luftuar korrupsionin dhe kjo “gangrenë” tashmë ka kapur çdo qelizë të shtetit.
Në këtë ditë Ambasada e SHBA-ve në Tiranë, tek e cila mbajnë me dëshpërim sytë sot të gjithë shqiptarët, me anë të një njoftimi për mediat, ka përkujtuar 9 Dhjetorin, dhe ka kërkuar nga qeveria që të bëhet edhe më shumë.
Në njoftimin e ambasadës, thuhet se, lufta ndaj korrupsionit kërkon më shumë sesa fjalë, duke i kujtuar qeverisë shqiptare se duhet të përmbushë detyrimet.
Njoftimi i Ambasadës Amerikane në Tiranë:
“9 dhjetori është Dita Ndërkombëtare kundër Korrupsionit! Lufta kundër korrupsionit kërkon më shumë se fjalë, dhe kjo është arsyeja përse Shtetet e Bashkuara janë dhuruesi më i madh i mekanizmave kryesorë në botë për kontrollin e korrupsionit, për t’u siguruar që vendet i përmbushin detyrimet e tyre”.
/GazetaReforma.com/
