I shumëkërkuari Xhevahir Jonuzi, i dënuar me 25 vite burg, u arrestua më 18 janar nga forcat RENEA dhe policia e Vlorës.
Efektivët rrethuan banesën, por Jonuzi pikasi blutë dhe u arratis.
Ai ishte i armatosur dhe nuk i kurseu as plumbat ndaj efektivëve.
Megjithatë, policia arriti të vinte në pranga 47-vjeçarin.
Së fundmi, detaje të reja kanë dalë në dritë rreth operacionit.
Pasi ka pikasur policët, ai ka qëlluar dy herë në drejtim të efektivëve, por të dyja rastet i ” kanë shkuar huq.”
RENEA u kundërpërgjigj dhe ka qëlluar po ashtu me dy plumba, njëri prej të cilëve e ka plagosur në këmbë.
Po ashtu, është bërë me dije se Jonuzi ka përdorur të dhënat e një banori nga Sukthi gjatë kohës që ishte në kërkim.
Në banesën e tij në pyll, RENEA i gjeti Jonuzit një pasaportë biometrike me emrin Sutki Lala.
47-vjeçari është dënuar me 25 vite burg për vrasja nga Gjykata e Vlorës, e cila po ashtu në vitin 2018 ka kërkuar burg për të pasi i ka shtuar akuzat për: “Prodhimi dhe shitja e lëndëve narkotike” dhe “Kultivimi i bimëve narkotike”.
