Dalin dhe fotot e para të grabitësve në portën hyrëse të aeroportit Nënë Tereza, e njohur si hyrja e zjarrfikëseve, e nga ku kanë hyrë më pas në pistë për të grabitur thasët me para në avionin e “Austrian Airlines”.
Siç mund të shihet dhe nga fotot, të publikuara nga “balkanweb”, autorët kanë prerë hekurat e portës, e më pas me fugonin me mbishkrimin “hetimi tatimor” ata kanë vijuar drejt pistës së aeroportit.
Grabitësit e armatosur i janë afruar avionit, kur në ato kohë po bëhej dhe ngarkimi i valixheve të 160 pasagjerëve në bord, që prisnin të udhëtonin drejt Vjenës.
Ata arritën të merrnin shumën prej 10 milionë eurosh në pak minuta.
Në foto dallohet dhe Admir Murataj, me syze por pa maskë.
Theksojmë që Admir Murataj ishte maskuar me një maskë silikoni në mënyrë të tillë që të mos identifikohej.
Para tij, ndodhet grabitësi tjetër por me uniformë ushtarake, i cili me armën e ngritur kërcënon punonjësit.
Kujtojmë se pas grabitjes autorët kanë dalë përmes portës nga ana e kundërt e aeroportit, ku sërish kanë prerë hekurat e derës.
Në dalje, nga furgoni kanë zbritur tre prej grabitësve për të prerë hekurat, ndërsa njëri prej tyre ruan i armatosur me kallashnikov.
