Një aksident tepër i rëndë është regjistruar në aksin Elbasan-Peqin.
Tre automjete janë përplasur me njëri-tjetrin në fshatin Papër.
Si pasojë e përplasjes, njëra prej makinave ka përfunduar në kanal.
Aksidenti ka shënuar një bilanc tragjik me 4 të vdekur dhe dy të plagosur.
Pasagjerët humbën jetën gjatë transportit për në spital.
Grupi hetimor po punon për zbardhjen e rrethanave të aksidentit.
Njoftimi i policisë
Më datë 23.09.2019, në aksin rrugor Elbasan- Papër, ka ndodhur një aksident rrugor ku janë përplasur tre automjete, mjeti me drejtues shtetasin G.K, mjeti me drejtues shtetasin O.Sh dhe mjeti me drejtues shtetasin E.R.
Për pasojë katër shtetas kanë humbur jetën të cilët ishin pasagjerë në mjetin që drejtohej nga shtetasi G.K, kanë humbur jetën. Ndërsa dy të tjerë janë jashtë rrezikut për jetën të cilët janë transportuar për ndihmë mjekësore.
Grupi hetimor ka shkuar në vendngjarje dhe po kryen veprimet për zbardhjen e shkakut të aksidentit.
