Përveç presidentit Meta, edhe kreu i PD Lulzim Basha ka kryer disa lëvizje para fillimit të protestës kundër shembjes së Teatrit Kombëtar.
Lexo: Shembja e Teatrit: Meta takim ‘kokë më kokë’ me ambasadorët e BE, Yuri Kim refuzon ftesën
Kryedemokrati Lulzim Basha ka zhvilluar një telekonferencë me kryeministrin e Greqisë, Kyriakos Mitsotakis.
Sipas Dosja.al, Mitsotakis ka deklaruar se Greqia dëshiron një Shqipëri europiane, demokratike dhe të prosperuar, duke përmendur edhe mbrojtjen e të drejtave të pakicës greke, e cila është një parakusht për zhvillimin e mëtejshëm të marrëdhënieve bilaterale.
Ndërsa kryedemokrati Basha ka folur rreth situatës në vendin tonë dhe për pandeminë e koronavirusit, teksa i ka shprehur kryeministrit grek shqetësimin me cilësinë e demokracisë dhe sundimin e ligjit në vendin e tij.
Në fund, Basha ka shprehur mirënjohjen e tij për mbështetjen e dhënë nga PPE në promovimin e reformave të nevojshme për integrimin europian të Shqipërisë.
Protesta kundër shembjes së Teatrit Kombëtar u thirr nga Aleanca për Mbrojtjen e Teatrit dhe u zhvillua pranë Ministrisë së Brendshme.
Ajo zgjati 2 orë e gjysmë, teksa tubimi i radhës është vendosur për t’u mbledhur sërish të mërkurën, në orën 17:30, pasi nesër nuk do të mbahet asnjë protestë sepse besimtarët myslimanë do të festojnë Natën e Kadrit, një natë e shenjtë për ta.
LEXO: Pas 2 orësh e gjysmë përfundon protesta kundër prishjes së Teatrit: Çfarë do ndodhë në vijim?
