Tre persona të paidentifikuar ende grabitën një banesë në orët e para të mëngjesit të sotëm në Finiq të Sarandës.
Sipas policisë, banesa i përkiste një 77-vjeçareje me iniciale A.Ç. Grabitësit arritën të marrin 3500 euro, si dhe dy aparate celularë.
Grupi hetimor ndërkohë po punon për zbardhjen e plotë të ngjarjes.
Materialet i kaluan Prokurorisë për veprime të mëtejshme.
Njoftimi i policisë:
Sarandë
Në orët e para të mëngjesit të sotëm në Finiq të Sarandës, 3 persona ende të pa identifikuar janë futur në banesën e shtetases A.Ç., 77 vjeçe dhe kanë arritur të vjedhin një shumë të ardhurash prej 3500 euro si dhe 2 aparatë celularë.
Është ngritur një grup hetimor i cili po merret me zbardhjen e ngjarjes si dhe për identifikimin dhe kapjen e autorëve.
Materialet i kaluan Prokurorisë për veprime të mëtejshme për veprën penale “Vjedhje me dhunë”.
