Një aksident i rëndë ka ndodhur në fshatin Gjashtë, ku një 77-vjeçar ka përplasur me zetor një grua 52-vjeçare.
Pas ngjarjes, autori u largua nga vendi i aksidentit, por më pas u identifikua dhe u arrestua nga policia e Vlorës.
E aksidentuara po merr trajtim mjekësor në Spitalin e Traumës në Tiranë.
Njoftimi i policisë:
“Aksidentoi rëndë një këmbësore në Sarandë dhe u largua nga vendngjarja, identifikohet dhe vihet në pranga drejtuesi. Ndalohet një tjetër drejtues në gjendje të dehur, në Vlorë.
Specialistët e Seksionit të Trafikut Urban dhe Interurban në Sarandë arrestuan në flagrancë shtetasin R. S., 77 vjeç, banues në fshatin Gjashtë, pasi më datë 11.04.2025, në rrugën e fshatit Metoq, duke drejtuar pa leje drejtimi një mjet bujqësor (zetor), ka aksidentuar këmbësoren P. Z., 52 vjeçe, banuese në fshatin Gjashtë, e cila si pasojë e aksidentit është dëmtuar rëndë.
Pas aksidentit, drejtuesi i mjetit është larguar nga vendi i ngjarjes, por është identifikuar dhe arrestuar nga shërbimet e Policisë. Shtetasja e dëmtuar ndodhet aktualisht në Spitalin e Traumës në Tiranë, nën kujdesin e mjekëve”, thuhet në njoftimin e policisë.
