Një aksident automobilistik ka ndodhur vetëm pak minuta më parë pranë fshatit Çiflig në qarkun e Korçës.
Dy automjete janë përplasur me njëra-tjetrën, duke shkaktuar dëme të mëdha materiale.
Nga përplasja është lënduar një person, i cili është dërguar me urgjencë në Spitalin Rajonal të Korçës.
Burime nga bluzat e bardha bëjnë me dije se i plagosuri ndodhet jashtë rrezikut për jetën.
Në vendngjarje ndodhen forcat e Policisë Rrugore, të cilat po kryejnë veprimet hetimore për të përcaktuar shkakun dhe dinamikën e aksidentit.
