Një aksident i rëndë ka ndodhur ditën e sotme në Divjakë, ku ka humbur jetën një vajzë 19 vjeçe. Ngjarja ka nodhur rreth orës 10:25 në rrugën nga Divjaka për në plazh, ndërsa automjeti tip “Audi” i drejtuar ngë shtetasi Vilson Hoxha, 25 vjeç, ka dalë nga rruga. Si pasojë, drejtuesi i mjetit ka mbetur i plagosur, po ashtu edhe një pasagjer , Daniel Doda 23 vjecc, dhe fatkeqësisht ka humbur jetën edhe e reja 19-vjeçare, Elsa Meçi. Dy te plagosurit ndodhen në spitalin e Lushnjes nën kujdesin e mjekëve.
E reja që humbi jetën mësohet se është e fejuara e drejtuesit të mjetit.
Ndërkohë, policia dhe grupi hetimor po punon për zbardhjen e plotë të rrethanave që çuan në aksidentin e rëndë.
NJOFTIMI I PLOTË NGA POLICIA:
Divjakë
Informacion paraprak
Sot rreth orës 10:25, në rrugën nga Divjaka për në plazh, automjeti tip “Audi“, me drejtues shtetasin V. H., 25 vjeç, banues në Divjakë, ka dalë nga rruga, ku për pasojë ka ndërruar jetë pasagjerja në mjet, shtetasja E. M., 19 vjeçe, banuese në Zharrnec, si edhe janë dëmtuar drejtuesi i mjetit dhe pasagjeri ende i paidentifikuar, të cilët ndodhen në spitalin e Lushnjes nën kujdesin e mjekëve.
Grupi hetimor po punon për zbardhjen e plotë të ngjarjes.
