Elbasan: Policia jep detaje të plota për operacionin antidrogë, si u prangosën 6 trafikantët

Google+ Pinterest LinkedIn Tumblr +

Policia e Elbasanit në bashkëpunim me policinë e Tiranës ka organizuar sot operacionin antidrogë ku u arrestuan gjashtë persona.

Dyshohet se personat merreshin me trafikim dhe shitje të lëndëve narkotike të llojeve të forta.

Sipas informacioneve operacioni i koduar “Shënkolli” ka vënë në pranga shtetasit, A. Q., dhe K. Gj., të cilët rezultojnë si organizatorë të grupit kriminal, siguronin lëndën narkotike dhe shpërndarjen e kryenin pjesëtarët e tjerë të grupit, në qytetin e Elbasanit.

Nga ky operacion u sekuestruan edhe 550 gram drogë e llojit kokainë, ndërsa dy shtetase ndiqen në gjendje të lirë.

Njoftimi i Policisë:

“Finalizohet operacioni “Shënkolli”. Operacioni i ndjekur me metoda speciale të hetimit nga Sektori për Narkotikët në DVP Elbasan, në bashkëpunim me Prokurorinë e Rrethit Gjyqësor Elbasan.Goditet një grup i strukturuar kriminal në fushën e tregëtimit të drogave të forta, kryesisht kokainë. Finalizimi i operacionit nga Drejtoria Vendore e Policisë Elbasan në bashkëpunim me Prokurorinë, Drejtorinë e Forcës së Posaçme Operacionale, Repartin RENEA dhe DVP Tiranë.

Janë vënë në pranga 6 persona dhe janë sekuestruar 550 gramë lëndë narkotike e dyshuar kokainë.

Gjatë ditës së sotme, në funksion të procedimit penal të vitit 2018 të Prokurorisë së Rrethit Gjyqësor Elbasan, është zhvilluar dhe finalizuar me sukses operacioni policor antidrogë i koduar “Shënkolli”.

Nga operacioni u bë e mundur arrestimi i shtetasve:

  1. Gj., 32 vjeç, banues në Elbasan me precedent kriminal në fushën e krimeve ndaj personit;
  2. Q., 45 vjeç, banues në Tiranë, me precedent kriminal në fushën e krimeve ndaj personit;
  3. P., 23 vjeç, banues në Elbasan; L. D., 35 vjeç, banues në Elbasan;
  4. Gj., 25 vjeç, banues në Elbasan; K. T., 31 vjeç, banues në Elbasan.

Shtetasit A. Q., dhe K. Gj., si organizatorë të grupit kriminal, siguronin lëndën narkotike dhe pjesëtarët e tjerë të grupit kryenin shpërndarjen e lëndës narkotike në doza të vogla në qytetin e Elbasanit. Ndërkohë ndiqen në gjendje të lirë dy shtetase.Operacioni është ende në vijim, për identifikim dhe kapjen e  personave të tjerë të implikuar në këtë veprimtari kriminale,” – njofton policia.

Shpërndaje
Share.

Komento