Teksa një ditë më parë u zbardh ekzekutimi i biznesmenit Ardian Nikula, ditën e sotme ministri i Drejtësisë Ulsi Manja ka reaguar publikisht në lidhje me këtë ngjarje. Sipas tij, aktualisht janë në pritje të përgjigjeve të letërporosive që kanë dërguar në Britaninë e Madhe për rastin e autorëve të vrasjes së Ardian Nikulajt. Në një prononcim për mediat, Manja u shpreh se për këtë ngjarje janë në komunikim të vazhdueshëm me homologët në Angli. Gjithashtu ndër të tjera ministri i Drejtësisë Ulsi Manja përgëzoi Policinë e Shtetit për zbardhjen e ngjarjes.
“Lidhur me ngjarjen e Lezhës jemi ne bashkëpunim te ngushtë me prokurorinë ne momentin e parë qe do vijnë letërporsitë do i procedojmë menjëherë dhe do komunikojmë me homologet e huaj për shtetasit e përfshirë në këtë ngjarje të shëmtuar. Përgëzoj policinë e shtetit dhe prokurorinë, që në kohë rekord arritën që të zbardhnin një ngjarje kaq të shëmtuar”, është shprehur ndër të tjera ministri i drejtësisë Ulsi Manja. Theksojmë se ditën e djeshme, Policia e Shtetit doli me një deklaratë zyrtare ku njoftoi se gjithçka ishte planifikuar nga vëllezërit Lestakaj, me të cilët Nikulaj ishte në hasmëri që prej vitit 1997. Ndërkohë që në rrjet gjithashtu qarkullojnë shumë komente skeptike lidhur me faktin se si ekzekutori portugez në momentin që ka kryer aktin, ka folur shqip.
