Detaje të reja janë zbuluar në lidhje me vrasjen makabër të 37-vjeçares shqiptare në Francë.
Brunilda Kovaçi Sadushi, u gjet e pajetë natën e Krishtlindjes në një park në Mugins, ku trupi i saj ishte pjesërisht i djegur.
Policia franceze ka arrestuar si autor të krimit, një 28-vjeçar nga Kana.
Ky i fundit në dëshminë e tij para policisë, tha se e kishte humbur mendjen kur kreu krimin.
Prokurori i çështjes, Fabienne Atzori, konfirmoi se i riu kishte pranuar se e kishte mbytur shqiptaren, pas një mosmarrëveshje që kishte pasur me të.
Aztori vijon më tej, duke thënë se autori kishte paguar për të kryer marrëdhënie seksuale me shqiptaren.
Më pas ai e mbyti, e zhveshi dhe e dogji pjesërisht.
I arrestuari punonte si shofer kamioni, ndërsa e njihte viktimën si një klient i rastit.
Sipas prokurorit, autori kishte humbur llogjikën si pasojë e një veprimi të 37-vjeçares, i cili do të bëhet i ditur më vonë.
Familjarët e 37-vjeçares i kanë bërë apel shtetit, që t’u sjellë trupin e vazjës, pasi ekonomikisht e kanë të pamundur.
