Një ngjarje e rëndë ka ndodhur mbrëmjen e sotme në Greqi. Mësohet se në vendin e quajtur Hagia Sophia, është qëlluar me armë zjarri një shqiptar 27-vjeçar. Ai ndodhej në makinën e tij kur u qëlluar me pesë plumba që i shkaktuan një vdekje klinike.
Sipas mediave vendsae ngjarja ndodhi në orën 18:00 dhe paralel me automjetin ku ndodhej 27-vjeçari, ishte edhe një automjet tjetër, ndërsa të dy makinat ndaluan në Kryqëzimin Kourtesis.
Ndërkohë sipas dëshmitarëve okularë, 2 automjetet kishin filluar të ecnin me shpejtësi dhe dukej sikur ishin në ndjekje të njëra-tjetrës. Por pas pak minutash pasagjerët zbresin nga makinat dhe përplasen mes tyre me armë zjarri por edhe armë të ftohtë si thikë.
Si rezultat i të shtënave, 27-vjeçari shqiptar, i cili ishte përleshur me pjesën tjetër ra mbi asfalt dhe u mbulua me gjak, ndërsa pesë të tjerë u plagosën lehtë por ia arritën t’i shpëtonin policisë.
Policia greke dyshon se autorët e ngjarjes mund të jenë shqiptarë, por ende nuk ka një informacion zyrtar mbi shkakun e përplasjes mes tyre. Dyshimet e para janë se autorët i përkasin një grupi që menaxhon klubet e natës. Policia raportoi se po kërkon dy persona, që dyshohet se janë autorë të ngjarjes së rëndë.