Ditën e sotme një ngjarje e rëndë është regjistruar në fshatin Qesarat të Finiqit. Shtetasit Mihal Foto i ka marrë flakë dysheku dhe më pas është asfiksuar nga tymi.
Si pasojë i moshuari 65-vjeçar ka humbur jetën, ndërkohë dyshohet se kishte probleme të shëndetit mendor. I moshuari është gjetur pa jetë nga fqinji që kujdesej për atë.
Deri më tani nuk dihet se si ka rënë zjarri në dyshekun e krevatit, teksa ngjarja ka ndodhur gjatë mesnatës dhe është bërë publike para disa orëve.
