E rëndë në Elbasan! Një 38-vjeçar gjendet i pajetë në banesën e tij

Google+ Pinterest LinkedIn Tumblr +

Elbasan- Një 38-vjeçar është gjetur i pajetë në banesën e tij mbrëmjen e sotme rreth orës 22:00.

Ka qenë i vëllai i viktimës ai që ka gjetur trupin e pajetë, teksa prej pasdites 38-vjeçari nuk i përgjigjej në telefon edhe pse zilja binte shkruan Balkan Web.

Ai ka shkuar në apartamentin ku jetonte 38-vjeçari dhe ka trokitur gjatë, por dera nuk është hapur dhe kështu, ai është detyruar të kërkojë ndihmën e policisë, e cila ka mbërritur menjëherë në vendngjarje.

Punonjësit e shërbimit zjarrfikës kanë arritur të hapin derën dhe më pas është konstatuar se 38-vjeçari i identifikuar si Leonard Murrizi banor i lagjes “Çlirimi” ishte pa sheja jete.

Trupi i tij është dërguar në morgun e qendrës spitalore të Elbasanit për t’i bërë autopsinë për të përcaktuar shkakun e vdekjes.

Shpërndaje
Share.

Komento