I prekur nga COVID-19, gazetari i CNN tregon sekretin e mposhtjes së virusit pa shkuar në spital

Google+ Pinterest LinkedIn Tumblr +

Tashmë e gjithë bota është gjunjëzuar nga koronavirusi që po shkakton bilance të thella në shtete të ndryshme.

SHBA është vendi me numrin më të lartë të të infektuarve, ku janë regjistruar 425,769 të prekur dhe 14,604 viktima.

Mes të infektuarve është edhe Chris Cuomo, gazetar i CNN dhe njëherazi vëllai i kryebashkiakut të Nju Jorkut, i cili ka vendosur që këtë eksperiencë me të gjithë ndjekësit e tij në rrjetet sociale.

Sipas Cuomo, sekreti për të luftuar koronavirusin është rezistenca, pasi virusi na do të dobët, po askush nuk duhet të qëndrojë shtrirë dhe të nënshtrohet.

Gazetari bën thirrje për ‘luftë’, ushtrime dhe mos dorëzim ndaj COVID-19, teksa shfaqet shumë motivues kur thotë se do ia dale për bashkëshorten dhe fëmijët e tij.

“Ja çfarë kam mësuar, ky është sekreti për ta mposhtur këtë virus. Nuk është ilaç apo substancë, ka të bëjë me vullnetin dhe përkushtimin tuaj. Virusi do që ne të përulemi. Virusi do që ne ta marrim. Nocioni i të qendruarit në shtrat kur je sëmurë tingëllon shumë mirë, dhe nëse nuk ju pëlqen atëherë duhet ta bëni sa më pak të jetë e mundur. E kam kaluar edhe unë këtë. Më besoni. Por nuk mund ta bëni këtë. Ishte e premte. Nuk do ta bëja emisionin atë natë. Kisha mbaruar. Isha i mbuluar në djersë. 12 orë më vonë ndihesha po njësoj. Nuk kisha fjetur asnjë minutë. Isha qull dhe i frikësuar. Ju betohem. Një doktor më merr në telefon. Më pyeti për simptomat. Është ekspert pulmonar. Dhe më pyet, ‘A mund të ngrihesh?’ I thashë ‘po, mund të ngrihem’. Ai më thotë ‘bëje!’ Më pyeti ‘A e drejton dot trupin?’ Çfarë do të thuash? – i thashë. Më tha të ngre duar mbi kokë, ja kështu…I thashë ‘jo, nuk e bëj dot’. Ai tha: bëje! Më pyeti nëse e mbaj dot frymën për 10 sekonda. I thashë me shumë mundësi jo. Ai më tha: bëje! Më pas më dha çelësin. Më kishte dëgjuar kur thashë që nuk doja që virusi të më kalonte në mushkëri. Ai më tha se i kishte parë grafitë e mia dhe se e kisha në mushkëri. Ke frikë për arsyet e duhura por ke sjelljen e gabuar, më tha. Duhet të luftosh! Duhe të vishesh mirë, duhet të pish lëngje, duhet të marrësh Tylenol, dhe duhet të luftosh. Duhet ta bësh temperaturën të ulet në të gjitha mënyrat. Problemin do ta keni në kraharor. Të bën të ndihesh i vogël. Është ajo që vërtetë e përkufizon Covid-19. Dhe Covid po përfiton nga ju, nga dobësia juaj. Na do pasiv, të shtrirë, të mos bëjmë asgjë. Përgjigja është që duhet të bëjmë çdo gjë! Unë rrotullohem nga të gjitha anët, ngrihem në këmbë, marr frymë. Unë e di që e kam këtë virus në mushkëri. Nuk do ta humbas luftën. Nuk ka shance që t’ja bëj këtë gjë gruas dhe fëmijëvë të mi, e të gjithë njërëzve që më duan. Nuk do të shkoj në spital për diçka që mund ta shmang!”– shprehet ndër të tjera gazetari.

Shpërndaje
Share.

Komento