Një ngjarje tepër e rëndë është raportuar në qytetin e Drenasit në Kosovë, ku një vajzë e mitur është abuzuar seksualisht nga një burrë.
Sipas mediave kosovare, është bërë me dije se edhe partnerja e abuzuesit ka qenë në dijeni për ngjarjen e rëndë, por nuk ka treguar. Çifti ishin në një lidhje dashuria dhe e mitura ishte familjare e gruas.
Prokuroria Themelore (e shkallës së parë) e Prishtinës, ka deklaruar se ka caktuar masën e paraburgimit ndaj dy të dyshuarve. Partnerja e abuzuesit është akuzuar për moskallëzim krimi dhe për bashkëpunim në krim.
“Lidhur me këtë rast, krejt çka mund të themi është se prokurori i Departamentit për të Mitur në Prishtinë ka ushtruar kërkesë për caktimin e masës së paraburgimit për dy personat e dyshuar”, ka deklaruar zëdhënësja për informim e Prokurorisë Themelore në Prishtinë, Laureta Ulaj.
