Në një video për emisionin “Xing me Ermalin” kryeministri Edi Rama është shfaqur në ambjente private dhe këto pamje pushtuan rrjetin.
Kryeministri do të jetë i ftuari i parë për vitin 2019 në “Xing me Ermalin” dhe ka qenë vetë moderatori Ermal Mamaqi që e ka bërë të ditur këtë me një video epike që po çmend rrjetin.
Në video Ermali i kërkon kryeministrit të flasin, bazuar në ngjarjen e fundit të 2018-ës, ku Rama u kërkonte studentëve dialog.
Shumë vëmendje iu dha oxhakut të ngrohjes në ambjentet ku Edi Rama pikturonte dhe në shënjestër ishte çmimi i tij. Siç duket kjo gjë ka tërhequr vëmendjen dhe ka revoltuar kreun e shtetit duke e bërë atë të reagojë nëpërmjet një statusi në llogarinë e tij në Twitter ku ka shkruar që lajmet të cilët i janë kushtuar oxhakut të tij kanë mbushur rrjetet ose siç i ka cilësuar ndryshe ai në status, “kazani i plehrave”.
Gjithashtu në postimin e sotëm ai ka përdorur shenja jo aq të përshtatshme pasi në fund të shkrimit ai tregon gishtin e mesit.
Ky detaj nga videoja bëri shumë bujë në media ku u zbulua një pjesë e pasurisë marramëndëse të Ramës.
Në momentin kur Edi Rama del në video duke pikturuar vihet re oxhaku që qëndron prapa tij.
Oxhaku i quajtur “Antrax drop fire place”, rezulton të jetë krijuar nga një material shumë i kushtueshëm ku me një kërkim në google mësohet se çmimi i tij varion nga 12.000 deri në 18.000 euro. Ndërkohë kryeministri Rama në statusin e tij nuk ka mohuar cilësinë apo çmimin e oxhakut, por është shprehur se ai vend ku ai shfaqet duke pikturuar aty, nuk është shtëpia e tij por është atelija e mikut qeramist.
“Qenka mbushur kazani i plehrave të pas festës së Vitit të Ri me oxhakun tim kozmik, që kadrinjtë e kanë zbuluar me rreze lazer në spotin e Ermalit. Eh,ja që s’është as oxhaku as shtëpia ajo, po atelieja e mikut tim qeramist, ku bujarisht jam i mirëpritur për orët e mia krijuese”, -shkruan Rama.
