Kruja është kthyer në zonë të kuqe të COVID-19 gjatë ditëve të fundit.
Shkak për këtë janë bërë fasoneritë, ku një numër i madh punëtorësh dhe familjarë të tyre janë infektuar.
Në total numri i të prekurve nga COVID-19 në Krujë është 58, ndërsa pritet të konfirmohen 7 raste të reja, ku dy janë punëtorë fasonerie dhe 5 të tjerë kontakte të tyre.
Si pasojë e gjendjes alarmante, 21 fasoneri janë mbyllur në Krujë dhe tashmë punojnë vetëm 6, shkruan “Balkanweb”.
Vatra e fasonerisë në Krujë është përhapur edhe në Kurbin, ku numërohen 28 të prekur, të cilët janë punëtorë dhe familjarë të tyre.
Aktualisht numri i të prekurve në vendin tonë ka shkuar në 634, në mesin e të cilëve 27 viktima dhe 356 të shëruar.
Në spitalin Infektiv ndodhen 33 pacientë, 4 prej të cilëve në terapi intensive.
Ndërsa në spitalin COVID2 janë shtruar 7 pacientë, 4 prej të cilëve në terapi intensive në gjendje të rëndë.