Një 88-vjeçare e cila ka qenë e infektuar me Covid-19 ka ndërruar në jetë në autoambulancë teksa po transportohej drejt spitalit Infektiv. E moshuara nga Pogradeci u konfirmua disa ditë më parë me Covid-19, dhe pas përkeqësimit të gjendjes është nisur për në spital, shkruan Dosja.al.
Fatkeqësishr rrugës ajo ka pësuar arrest kardiak dhe ka ndërruar jetë, ndërsa trupi i saj është dërguar në morgun e qytetit të Elbasanit. Ende nuk ka një konfirmim të lajmit nga Ministria, por pritet që në përditësimin e përditshëm të shifrave të koronvirusitë në Shqipëri, Ministria e Shëndetësisë të japë detaje edhe lidhur me vdekjen e të moshuarës. Kujtojmë se nga sot e tutje përditësimi i të dhënave mbi koronavirusin do bëhet në orën 16:00.
Deri më tani në Shqipëri kanë ndërruar jetë 107 persona, ndërkohë që numri i të prekurve aktivë është thuajse 1500 persona.
