Autoritetet e Koresë së Jugut po hetojnë vdekjet e dy personave, të dy me kushte para-ekzistuese, të cilët vdiqën brenda ditës nga marrja e vaksinës COVID-19 të AstraZeneca.
AstraZeneca tha se ishte në dijeni të hetimit nga Agjencia Koreane e Kontrollit dhe Parandalimit të Sëmundjeve (KDCA), por siguria e vaksinës është studiuar gjerësisht në provat klinike me të dhëna që konfirmojnë se zakonisht tolerohet mirë.
“KDCA po kryen sondazhe epidemiologjike me autoritetet përkatëse lokale … për të konfirmuar çdo lidhje me inokulimin,” tha Drejtori i KDCA Jeong Eun-kyeong në një konferencë. Por ende nuk konfirmoi ndonjë lidhje shkakësore me vaksinën.
Një pacient në shtëpi pleqsh 63-vjeçar me sëmundje cerebrovaskulare, zhvilloi simptoma duke përfshirë ethe dhe temperature të lartë, pasi iu dha vaksina katër ditë më parë, tha Jeong.
Burri u zhvendos në një spital më të madh të Martën, por vdiq pasi tregoi simptoma të helmimit të gjakut dhe pneumonisë, njoftoi agjencia e lajmeve Yonhap.
Një tjetër pacient në shtëpi pleqsh në të 50-at e tij me një çrregullim kardiak dhe diabet vdiq të Mërkurën pasi pësoi sulme të shumta në zemër, pasi kishte marrë vaksinën një ditë më parë, tha agjencia.
Jeong tha se nuk kishte asnjë rast fataliteti nga marrja e vaksinave COVID-19 të zhvilluara nga AstraZeneca ose Pfizer / BioNTech. KDCA tha se nga njerëzit që kishin marrë vaksinat e koronavirusit, 207 kishin reagime anësore, përfshirë tre raste të reaksioneve të rënda alergjike, të njohura si anafilaksi.
Koreja e Jugut filloi vaksinimin e popullsisë së saj javën e kaluar. Deri të martën në mesnatë, 85,904 njerëz kishin marrë dozat e para të vaksinës AstraZeneca dhe 1,524 u ishin dhënë Pfizer, tha KDCA në një deklaratë. Koreja e Jugut raportoi 444 raste të reja të konfirmuara COVID-19 të martën, nga 344 të hënën, duke rritur numrin e vendit në 90,816 infeksione, me 1,612 vdekje.
