Në Elbasan kanë rezutuar pozitiv me koronavirus gjatë 24 orëve të fundit tetë persona, dy prej të cilëve mësohet se janë mami të maternitetit.
Nga 8 rastet e konfirmuar ditën e sotme, mësohet se dy mamitë punonin në pavionin e aborteve dhe pas konfimimit të infektimit të tyre, shërbimi është mbyllir në spital.
Nërkohë, mësohet se mamitë e infektuara me COVID-19 janë nisur drejt Spitalit Infektiv, për të marrë trajtimin e nevojshëm, ndërsa pjesa tjetër e stafit janë vetëkarantinuar.
Gjatë 24 orëve të fundit janë kryer 459 testime për të dyshuar të prekur me Covid-19, nga të cilat janë konfirmuar 71 raste pozitive. Gjithashtu Ministria e Shëndetësisë njoftoi se në 24 orët e fundit 3 qytetarë nuk e kanë fituar betejën me virusin, mes tyre edhe mjeku Hysni Shkjau dhe dy qytetarë, një 63 vjeçar nga Lezha dhe një 65 vjeçare nga Tirana.
Shpërndarja gjeografike e rasteve është si vijon: 24 raste në Tiranë, 8 në Elbasan, 6 në Durrës, nga 5 raste në Krujë, Kukës, Lezhë, 4 në Kurbin, 3 në Vlorë, nga 2 raste në Korçë, Shkodër, Përmet, dhe nga 1 rast në Delvinë, Vau Dejës, Bulqizë, Kamëz, Fier.