Kreu i Agrarëve, Agron Duka shprehet i pakënaqur ndaj kryetari të PD-së, Lulzim Basha. Nëse nuk ka ofertë për partitë e vogla, atëherë ka alternativa të tjera. “Do ketë 2 ose 3 koalicione në zgjedhjet e ardhshme”, tha Duka.
“Gjithmonë kam thënë se do isha për një rrugë më të ashpër. Nëse ky do tentojë në parlament siç kaloi radhën e parë ta kalojë dekretin të bëjmë një protestë para parlamentit, por jo hiç.
Fryma popullore është anti Ramë. Mirë këtë po e lëmë të vazhdojë me të fortit. Fryma popullore ka qenë dhe anti Enver. Nuk po them që do të kthehet në regjim siç ka qenë por autoritar. por autoritar jemi të gjithë që po e shohim.
Ky është një rrezik shumë i madh. S’ka pse të preokupojë më shumë ndërkombëtarët sesa ne që jemi këtu. Ça do bëjmë ne. Mua më duket e butë sjellja e Bashës, megjithëse ka njerëz që thonë ka vizion perëndimor, unë s’jam dakord për opozitë të dhunshme, por as të rrimë e të shohim këtë se çfarë bën këtu.
Mendoj sipas meje, ne duhet të bashkoheshim urgjent sot e gjithë opozita dhe të merrnim një vendim si do reagojmë karshi kësaj sjellje të kryeministrit. Meqë jam te studioja jote, po e them, se ku do ia them unë Bashës, ke dëgjuar se kemi bërë ne një takim sot. Mua s’më duket se është sjellja e duhur”, tha Duka në emisionin “5 Pyetje nga Babaramo”.
Duke folur për garën në zgjedhjet e ardhshme parlamentare të 25 prillit, ku e gjithë opozita do të jetë me një listë të përbashkët, Duka tha se kryetasrët e partive duhet të vendosen në listë.
“Oferta pothuajse është publike. Nuk kemi qenë punëtor të Bashës dhe të PD. Përderisa u bë ky Kod Zgjedhor, atëherë Basha duhet t’i fusë kryetarët e partive në listë, apo jo? Kjo është oferta. me gjithë këtë lloj oferte që unë besoj se do të realizohet, nuk ka nevojë të marrësh ndonjë konfirmim se s’ka mundësi të jetë ndryshe. Por, unë mendoj se Partia Agrare mund të sjellë ndonjë dobi tjetër ndaj opozitë së bashkuar. Mund të ketë vështirësi për mandatin, por besoj se dhe kështu e kemi marrë. Këto janë negociatat që kemi bërë me Bashën. Këto negociata janë pothuajse publike, por të kushtëzuara nga mënyra si po shkojmë në zgjedhje”, tha Duka.
/GazetaReforma.com/
