Ka përfunduar seanca gjyqësore për dosjen 182 në Dibër. Gjykata e Dibrës vendosi të dërgojë për gjykim katër të pandehurit. Robert Aga, Hasan Hoti, Nuri Meda e Drini Gjeçi të përfshirë në dosjen janë personat që do të gjykohen sit ë përfshirë në dosjen në fjalë“184”. Ndërkohë, Gjykata e Dibrës ka rrëzuar ankimin e PD për Dionis Imerajn, “në lidhje me pushimin e procedimit penal për Dionis Imerajn , Korab (Imer) Lala, Afrim Mikli, Arben Keshi, Bekim Krashi”.
Gjykata e Dibrës ka pranuar kërkesën e Prokurorisë për gjykim dhe Robert Aga, Hasan Hoti, Nuri Meda e Drini Gjeçi do të gjykohen për krime zgjedhore. Nga ana tjetër trupa gjykuese nuk e pranoi ankimin e palës paditëse për vazhdimin e çështjes.
Pas vendimit, avokati i palës paditëse Indrit Sefa është shprehur se Gjykata paraqiti argumentet që për të pandehurit të nisë gjykimi dhe po ashtu mori vendimin që të kundërshtojë kërkesën e prokurorit për pushimin e akuzës ndaj kryebashkiakut Dionis Imeraj dhe 3 personave të tjerë të përfshirë.
Nga ana tjetër, avokati i palës së akuzuar, kryebashkiaku Imeraj, ka thënë se ndaj klientëve të tij prokuroria nuk ka dalë me akuzë të veprës penale për ndikim tek zgjedhësit. Ndërkohë, Partia Demokratike përmes përfaqësuesit të saj ligjor ka deklaruar se do e ankimojë vendimin.
