Agjentët doganorë në portin e Anconas në Itali kanë zhvilluar kontrolle gjatë muajit shkurt, për transportin e mbetjeve drejt vendeve të lindjes dhe afrikane.
Siç shkruan “Corriere Adriatico”, në më 4 shkurt është bllokuar një ngarkesë e dyshimtë prej 25 tonësh, që përmbante aparatura elektrike, pa dokumentacionin përkatës.
Këto aparatura, të cilat ishin të vendosura në një gjysmë rimorkiator, ishin konsidetuar si të rrezikshme.
Sipas mediave italiane, ngarkesa ishte e destinuar të përfundonte në Shqipëri.
Gjatë operacionit është proceduar një person, për tentativë transporti mbetjesh të rrezikshme.
Kujtojmë këtu se vetëm pak ditë më parë, autoritetet shqiptare bllokuan në portin e Vlorës një ngarkesë 25 ton me mbetje të dyshuara të rrezikshme.
Në lidhje me këtë ngjarje u arrestuan 6 persona, 3 prej të cilëve u lanë në burg.
