Protesta e studentëve hyri në ditën e saj të 15-të sot. Si ҫdo ditë studentët edhe sot kanë planifikuar që të ngrihen në protestë por si fillim ata do të mblidhen në orën 10:00 tek korpusi universitar.
Studentët edhe sot kanë paralajmëruar për bojkotim të mësimit dhe gjithashtu kanë vendosur të mblidhen në tryeza diskutimi për të vendosur dhe për të folur për ecurinë e protestës.
Njoftimet janë bërë në rrjete sociale ku është shkruar gjithashtu që “Rama nuk je i mirëpritur”.
Studentët janë të bindur që akoma do vazhdojnë protestën deri në plotësim të kërkesave të tyre.
Në njoftim shkruhet se ata do bashkohen aty ku nisi historia e arsimit shqiptar, pra te Korpusi.
“Aty ku nisi historia e arsimit Shqiptar. Aty për të vënë me shpatulla pas murit të gjithë bashkëfajtorët e këtij sistemi Arsimor! Korpusi është godina e parë universitare e ngritur, pra përfaqëson UT nga e cila dolën të gjithë universitetet e tjera. Aty duhet të jemi të gjithë më të bashkuar se kurrë për të ҫuar zërin tonë në veshin e të gjithë FAJTORËVE!”- thuhet në njoftimin e studentëve.
