Policia e Tiranës ka arrestuar një 51-vjeçar me iniciale A.B., për dhunë në familje.
Ky i fundit shkeli urdhërin e mbrojtjes dhe dhunoi gruan e fëmijët.
Ngjarja ndodhi në banesën ku jetonte bashkëshortja e tij së bashku me fëmijët.
Gruaja kishte marrë urdhër mbrojtje për shkak të dhunës së përsëritur nga bashkëshorti.
Sipas policisë, çifti ishte në prag divorci.
Materialet proceduriale iu referuan Prokurorisë së Tiranës.
Njoftimi i policisë:
Tiranë
Shkeli urdhrin e mbrojtjes dhe ushtroi dhunë fizike ndaj bashkëshortes dhe fëmijëve, por u vu në pranga nga Policia
Nga shërbimet e Komisariatit Nr. 2, u bë arrestimi në flagrancë i shtetasit A.B., 51 vjeç.
Arrestimi i tij u bë, pasi ky shtetas ka shkuar në banesën ku jeton ajo me dy fëmijët, pasi ishin në proces divorci dhe ka ushtruar dhunë fizike ndaj saj, dhe ndaj 2 fëmijëve.
Bashkëshortja e këtij shtetasi ishte e pajisur me urdhër mbrojtje nga Gjykata, pasi 51-vjeçari kishte ushtruar në mënyrë të përsëritur dhunë fizike e psikologjike ndaj saj.
Materialet iu referuan Prokurorisë pranë Gjykatës së Shkallës së Parë Tiranë, për veprat penale “Dhuna në familje” dhe “Veprime në kundërshtim me vendimin e Gjykatës”.
