Dështimi me menaxhimin e situatës së pandemisë në vendin tonë është evident ditë pas dite me një sërë shërbimesh që mungojnë. Pak muaj pasi u miratuan, tashmë duket se kanë mbaruar edhe testet e shpejta në qendrat shëndetësore. Dosja.al shkruan se ka siguruar një shkresë zyrtarë të cilën Instituti i Shëndetit Publik i ka dërguar qendrave shëndetësore. Në të bëhet fjalë për testimet e shpejta, ose ndryshe “Rapid Test”. Nga fotoja e publikuar shihet se ISHP kërkon nga qendrat shëndetësore që të respektojnë numrin e caktuar për teste testet e shpejta që bëjnë çdo ditë, pasi në të kundërt. Nëse numri nuk respektohet, atëherë do të vijojë testimi me PCR për pacientët.
Po ashtu Dosja.al bënë me dije se qeveria ka marrë në fillim të dhjetorit 100 teste të shpejta, por kjo sasi tashmë është drejt fundit. Gjithashtu mësohet se për shkak të kufizimit të sasisë, shumë pacientë nuk kanë kryer “Rapid test”, por kanë kryer testin PCR. Ndër të tjera mësohet se mjekët e familjes të cilët kanë akses në sistem për të referuar testimet e shpejta, iu është bllokuar aksesi në sistem deri ditën e martë, (9 shkurt).
Organizata Botërore e Shëndetësisë e ka ndër udhëzimet kryesore testin e shpejt, gjë që Shqipëria e miratoi vetëm në fillim të dhjetorit. Një test i tillë i nxjerr përgjigjet brenda 20 minutave dhe mund të kryhet në qendrat shëndetësore nga mjeku i familjes.
