Për shkak të reshjeve të dëborës gjatë natës në disa zona të qarkut të Korçës, shërbimet e Sektorit të Policisë Rrugore të DVP Korçë apelojnë për kujdes të shtuar për drejtuesit e mjeteve.
Ata u kërkojnë të zbatojnë rregullat e qarkullimit rrugor, të respektojnë sinjalistikën dhe të moderojnë shpejtësinë.
Aktualisht, akset rrugore “Maliq-Lozhan-Moglicë”, “Qafa e Qarrit-Ersekë” dhe “Petrushë-Qafë Thanë” janë të mbuluara nga dëbora, por nuk ka probleme në qarkullimin e mjeteve.
Në dispozicion të qytetarëve janë numrat 112 dhe 129, në të cilët mund të telefonojnë për çdo rast nevoje apo problematike të hasur.
Shërbimet e Policisë janë në gatishmëri për t’ju ndihmuar.
