Ditën e sotme ka pasur debate mes kryeministrit të vendit Edi Rama dhe kreut të PD-së Lulzim Basha në sallën e Kuvendit. Duket se situata është tensionuar mjaft nga gjuha që kanë përdorur të dyja palët.
Duke i dhënë një përgjigje për akuzat që ka hedhur Basha ndaj tij, Rama me ironi i thotë se nuk e konkurron dot ish-kryeministrin, Sali Berisha për sharje dhe ofendime, duke e cilësuar kreun e PD-së një kopje të tij.
“Kur vjen këtu dhe i jep gojës si ai tjetri mos u anko se të vjen foltorja këtu. Ke një jerm erotik që e shfryn këtu sta kemi fajin ne dil këtu e sillu mire, thuaj çfarë ke për të thënë dhe mos hyr në garë se kush më shan më shumë mua. Mos i hy kësaj maloreje sepse për të shara se konkurron njeri atë ustain tënd. Është sharësi më i madh. Je shumë melankolik për të bërë atë lloj roli. Je shumë dobët përpara tij se i është origjinali ti je kopja nëse e kalon atë kopje atëherë flasim”, tha Rama.
Duket se debati u agravua edhe më shumë pas deklaratave të kryetarit të PD-së, i cili gjatë fjalës së tij tha se Rama kërkon që të përfshihet në debatin brenda demokratëve. Nga foltorja e Kuvendit, Rama theksoi se ajo që po ndodh brenda PD-së e bën të ndihet keq, duke iu referuar përplasjes me Berishën.
