Një studim i fundit nga Instituti Kombëtar i Kancerit në Milano ka zbuluar se Covid-19 po qarkullonte në Itali që në Shtator 2019.
Ky pretendim i shkencëtarëve vjen pasi kontrolluan mostrat e gjakut që pacientët kishin dhënë në një studim të kancerit, të cilat u gjetën se përmbajnë antitrupa për të luftuar virusin.
Studiuesit thanë se mostrat nga 15 pacientë të marrë në shtator të vitit të kaluar kishin antitrupa,dhe ishin ekspozuar ndaj virusit shumë përpara se rasti i parë i Italisë të konfirmohej më 21 shkurt.
Më 31 dhjetor 2019 njoftoi se një ‘pneumoni me shkak të panjohur’ po përhapej në Wuhan përqendruar rreth një tregu të produkteve të detit në qytet.
Ndërsa sëmundja u përhap, Kina pranoi se rasti i saj i parë u zbulua më 8 dhjetor. Më pas doli se shkencëtarët kishin paralajmëruar për një sëmundje të re të frymëmarrjes për javë të tëra. Por edhe pse po bëhet një vit që kur kjo pandemi ka prekur botën, Kina ende nuk e ka zbuluar “pacientin zero” i cili do të identifikojë dhe se kur është shfaqur për herë të parë rasti pozitiv me Covid-19.
Por në gjetjet e fundit të botuara në revistën shkencore të Institutit Kombëtar të Kancerit (INT) Tumori Journal, thuhet se mostrat e gjakut të marra nga 959 njerëz në një studim të kancerit në Milano – qyteti në epiqendrën e valës së parë të Italisë, zbuluan se gjaku nga 111 njerëz përmbante antitrupa specifikë për koronavirusin e ri – SARS-CoV-2.
Prej tyre, 14 përqind kishin antitrupa në gjakun e tyre në mostrat e marra në shtator 2019, pretenduan studiuesit.
Antitrupat më pas u shfaqën në 30 për qind të pacientëve në shkurt, kur vala e parë e infeksioneve u zbulua në Itali.
‘Ky studim tregon një qarkullim të papritur shumë të hershëm të SARS-CoV-2 midis individëve asimptomatikë në Itali disa muaj para identifikimit të pacientit të parë.Gjetja e antitrupave SARS-CoV-2 tek njerëzit asimptomatikë para shpërthimit të COVID-19 në Itali mund të riformojë historinë e pandemisë,’ shkruan autorët.
Ndërkohë kujtojmë se që nga fillimi i padnemisë e deri më tani në gjithë botën janë infektuar me Covid-19 rreth 55 milionë njerëz, ndërsa më shumë se 1.3 milionë të tjerë kanë humbur jetën.
Sipas raportit të fundit nga Universiteti Johns Hopkins, më shumë se 38 milionë njerëz kanë fituar betejën me Covid-19 e cila po vijon të përhapet me shpejtësi në gjithë botën, duke sjellë një valë të dytë më të frikshme./Iconstyle.al/
