Covid-19 është rikthyer në Krujë, pasi gjatë orëve të fundit janë konfirmuar 12 raste të reja me koronavirus. Sipas Dosja.al janë testuar 32 persona, por vetëm 12 prej tyre kanë dalë pozitivë. Po ashu mësohet se një grua ndodhet në gjendje të rëndë në Spitalin Infektiv në QSUT.
Kujtojmë se gjatë muajve prill-maj Kruja ka qenë një nga vatra më të mëdha të infektimit dhe shkak për këtë u bënë fasoneritë nga ku virusi u përhap edhe në familjet e punonjësve dhe në qytetet e tjera. Javët e fundit në qytetin e Krujës ka patur një qetësim të situatës, por si duket rastet janë shtuar sërish.
Sakaq, në të gjithë vendin javët e fundit është rritur ndjeshëm numri i viktimave dhe të infektuarve. Ditën e djeshme humbën jetën 2 pacientë të tjerë në spital Infektiv. Kështu numri i viktimave ka shkuar në 81. Ndërkohë u konfirmuan edhe 74 raste të reja. Harta u zgjerua në 18 qytete të tjera. Aktualisht në spitalin infektiv po marrin mjekim 81 pacientë, 7 prej të cilëve janë në gjendje të rëndë. Numri i të shëruarve ka shkuar në 1744.