Koronavirusi vijon përhapjen e frikshme në Shqipëri. Pasi u raportua se dy punonjës të infektuar kanë mbyllur Bashkinë e Malsisë së Madhe, tashmë raportohet për “boom” të infektuarish me Covid-19 në Durrës. Dosja.al mësohet se vetëm gjatë orëve të fundit janë konfirmuar 15 të prekur.
Gjithashtu, raportohet se mes të infektuarve është edhe një qytetar nga Kosova që kishte ardhur me pushime në Golem. Tashmë tamponit i janë nënshtruar edhe persona të tjerë, rezultatet e të cilëve dalin nesër. Megjithatë, pritet përditësimi i të dhënave nga Ministria e Shëndetësisë për të verifikuar shifrat.
Ditën e djeshme ISHP dha një lajm të mirë, pasi gjatë orëve të fundit nuk është shënuar asnjë viktimë nga COVID-19. Po kështu, janë konfirmuar 82 raste të reja. Aktualisht janë të shtruar 84 pacientë në spital, 11 pacientë janë në terapi intensive në gjendje serioze dhe 6 prej tyre janë të intubuar, në gjendje të rëndë.