Covid-19 në Kosovë: Shkon në 989 numri total i të infektuarve

Google+ Pinterest LinkedIn Tumblr +

Lajme të mira vijnë nga Kosova, pasi në 24 orët e fundit ka rezultuar vetëm një rast pozitiv, nga 211 testime të kryera në total.

Instituti Kombëtar i Shëndetësisë Publike në Kosovë bën me dije se rasti pozitiv është rast kontakti nga komuna e Rahovecit, duke e çuar në 989 numrin e të prekurve nga koronavirusi në Kosovë.

Sakaq, janë shëruar 15 pacientë dhe tashmë numri i përgjithshëm i të shëruarve është 769, teksa në total 29 persona kanë humbur betejën me Covid-19.

PESËMBËDHJETË TË SHËRUAR DHE NJË RAST ME COVID-19!

Sot më 19 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 211 mostra të marra nga Klinika Infektive dhe gjurmimi i kontakteve të rasteve në terren. Me SARS-CoV-2, është konfirmuar 1 rast. Rasti pozitiv është rast kontakti nga: komuna e Rahovecit 1 rast (sipas vendbanimit: 1 rast Rahovec). Sot më 19 maj 2020, janë shëruar 15 pacientë derisa numri i përgjithshëm i të shëruarve deri më sot është gjithsej 769 raste. Nga data 08 shkurt deri më 19 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.198 persona të dyshimtë në virusin SARS-CoV-2 dhe prej tyre pozitive rezultojnë gjithsej 989 raste, me gjithsej 29 raste të vdekjes të cilët kanë pasur sëmundje të tjera shoqëruese. Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome. Në nivel global, nga data 31 dhjetor 2019 deri më 19 maj 2020 sipas Worldometers, janë raportuar gjithsej 4.952.228 raste të COVID-19 dhe 323.009 raste të vdekjes.

Shpërndaje
Share.

Komento