COVID-19 mbyll tre kopshte ditën e sotme, një në Tiranë, një në Vlorë dhe një në Pogradec. Shkak i mbylljes është infektimi i edukatoreve dhe punonjësve
Sipas të dhënave të Shëndetit Publik, janë infektuar 7 edukatore dhe 5 sanitare, ndërsa pjesës tjetër të stafit të këtyre kopshteve të mbyllura po u bëhet tamponi.
Shifrat me COVID-19 në vend tonë po rriten ndjeshëm, ndërsa thirrjet e autoriteteve janë të shpeshta që të respektohen masat anti-covid në mënyrë që të shmanget një mbyllje e dytë e vendit.
3 mësues dhe një nxënës janë infektuar me COVID-19 në dy gjimnaze të Pogradecit. Konkretisht 2 mësues janë infektuar në gjimnazin “Gjergj Pekmezi”.
Gjithashtu edhe në gjimnazin “Muharrem Çollaku” janë infektuar edhe 1 mësues dhe një nxënës.
Në Pogradec është mbyllur kopshti “Persefoni Treni” në lagjen nr 2. Shkak përhapja e Covid-19 në personel. Para një jave rezultuan pozitiv 2 sanitare, ndërsa ditën e djeshme kanë rezultuar pozitiv 4 edukatore. Kopshti është mbyllur dhe janë nënshtruar tamponin edhe pjesës tjetër të stafit. Kopshti ka 14 edukatore nga të cilat 4 prej tyre kanë dalë pozitive.
Në Vlorë është mbyllur një kopsht, ku 4 persona kanë rezultuar pozitiv me COVID-19. Të infektuar me koronavirus janë 2 sanitare dhe dy edukatore.
Kopshti ka një staf prej 15 personash, të cilët po mbahen në vëzhgim epidemiologjik dhe po u bëhet tamponi.
Në Tiranë është mbyllur kopshti numër 31, pasi në të janë konfirmuar dy raste pozitive, një edukatore dhe një punonjëse. Për shkak të dy rasteve të konfirmuar, të gjitha stafit do i bëhet tamponi. Kopshti do të qëndrojë i mbyllur deri në përgjigjen e analizave.
