Komisioni Europian ka propozuar një paketë ekonomike prej 3 miliardë eurosh në formën e kredisë, për 10 vende fqinje të Bashkimit Europian, në mesin e tyre edhe Shqipëria.
Vendi ynë do të marrë nga BE 180 milion euro, si ndihmë për situatën e krijuar nga COVID-19.
Kosova dhe Maqedonia e Veriut do të marrin respektivisht nga 100 dhe 160 milion euro.
Bashkimi Europian do të ndihmojë gjithashtu edhe vende jashtë Europës, si Tunizia që do të marrë 600 milion euro dhe Jordania 200 milion euro.
Lidhur me këtë iniciativë ka reaguar edhe Vladis Dembrvskis, zv. President i Komisionit Europian.
“BE dëshiron të mbështesë vendet partnere të saj në përballjen me pasojat ekonomike të #coronavirus. Komisioni Evropian planifikon përdorim të veçantë të kredive për ndihmë makro-financiare për t’i ndihmuar ata të adresojnë nevojat e menjëhershme të financimit, siç është kujdesi shëndetësor 👉”, shkruan ai në një postim në rrjetet sociale.
Deri më tani BE ka ndihmuar shqipërinë me 50 milion euro në formën e granteve, të cilat do të shërbejnë për pajisje shëndetësore dhe mbështetjen e biznesit.
We propose €3 billion macro-financial assistance to support ten neighbouring countries in limiting the economic fallout of the #coronavirus pandemic.
The EU stands in solidarity with these countries at a time of unprecedented crisis. More ⬇️ #StrongerTogether
— European Commission 🇪🇺 (@EU_Commission) April 22, 2020
