Coronavirusi duket se nuk po i kursen bluzat e bardha, pasi sipas Dosja.al një mjeke e Spitalit Infektiv dyshohet se është prekur nga COVID-19.
Sipas informacioneve mësohet se mjekja është në konakt të drejtëpërdrejtë me pacientët e infektuar dhe mësohet se ajo ka shfaqur simptoma të virusit ndërsa ndaj saj ka nisur trajtimi mjekësor ku fillimisht i është nënshtruar testimeve.
Nëse ajo rezulton pozitive, atëherë do jetë rasti i dytë brenda ditës që infektohet një person nga bluzat e bardha, pasi në mëngjes Skënder Brataj, Shefi i Urgjencës, u konfirmua me Coronavirus.
Deri tani në vendin tonë janë infektuar 9 mjekë, 8 nga stafi i Spitalit të Sanatoriumit dhe një nga Spitali i Durrësit.
Më herët mbrëmjen e sotme u raportua se 2 mjekë shqiptarë janë infektuar në Britani, teksa në Itali 23 mjekë kanë humbur jetën dhe në total, 4,824 punonjës shëndetësorë janë infektuar.
Në total deri tani në vendin tonë janë infektuar 123 persona dhe kanë humbur jetën 5 persona, ndërsa në rang botëror janë regjistruar 18, 552 viktima dhe 414, 661 të infektuar.
