Gjykata e Apelit në Tiranë ka lënë në fuqi masën e arrestit me burg për Adiola Lakrën për vrasjen e Hekuran Billës. Ajo u përdor si karrem për të nxjerrë Hekuran Billën e cila njëkohësisht u bë dhe bashkëpuntore në vrasje.
Adiola Lakra, 26- vjeçarja nga Berati dyshohet se kishte kontakte dhe ishte në një marrëdhënie me Hekuran Billën i cili kishte vetëm 5 ditë që ishte kthyer nga Belgjika, ndërkohë që në Angli kishte vuajtur dënimin me burg për vrasjen e një bashkëkombasi, Prel Markut, vëllai i të cilit mori hak 14 vite më vonë në Tiranë për të ekzekutuar Hekuran Billën.
Viktor Marku u arrestua pak ditë më vonë në Mal të Zi teksa më parë u arrestua Sebastiano Mali, nipi i tij i cili u bë bashkëpuntor në vrasje.
Hekuran Billa u ekzekutua më 12 qershor pranë “Qendrës Kristal” në Tiranë, ku kishte shkruar për të takuar motrën e tij që punonte në këtë qendër tregtare. Në orën 21:48 të së enjtes, biznesmenit iu pre rruga teksa udhëtonte me mjetin e tij, të llojit ‘BMË X6”, nga ekzekutori, i cili dyshohet se është vëllai i Prel Markut, Viktori. Ky i fundit qëlloi me armë zjarri në drejtim të tij, dhe iu deshën vetëm 3 sekonda për të vrarë biznesmenin.