Ky vit ka nisur me ngjarje të rënda dhe i tillë duket se do të vazhdojë. Ditën e djeshme një sulm u evidentua në Tokio, ndërsa sot duket se është radha e Danimarkës.
Një aksident i rëndë më tren ka ndodhur në urën e Brezit të Madh në Danimarkë ku deri më tani gjashtë persona rezultojnë të vrarë.
Ura është një nga pikat lidhëse më të rëndësishme të vendit pasi bashkon dy ishujt qëndror të vendit, Zealand dhe Funen.
Pas aksidentit ura është mbyllur menjëherë dhe të gjithë qyetarët që ndodheshin afër, janë evakuar.
Ende nuk dihen shkaqet e tragjedisë, por dyshohet se fshihen erërat e jashtëzakonshme që kanë pushtuar Evropën Veriore.
Deri më tani nuk ka asnjë të dhënë tjetër zyrtare dhe ura nuk do të jetë e kalueshme deri në një urdhër të dytë. Moti duket se është “çmendur” dhe nuk dihet se çfarë tjetër pritet të ndodhë.
