Çfarë i shkaktoi dy shpërthimet në Lezhë?/ Misteri që tronditi banorët! Ja dy teoritë që qarkullojnë

Google+ Pinterest LinkedIn Tumblr +

Dy shpërthime të forta tronditën pasditen e sotme Lezhën, por mister mbetet vendngjarja, pasi ende nuk është zbuluar asgjë.

Banorët janë të ndarë në atë që kanë dëgjuar dhe besojnë, por disa prej tyre u shprehën se shpërthimet erdhën nga ajri.

Prej orës 20:00 policia ka kontrolluar zonën urbane dhe rurale, por nuk është gjetur asnjë vendngjarje dhe nuk ka pasur asnjë telefonatë në komisariat për të lënduar, vetëm frikë dhe panik.

Por çfarë mund ta ketë shkaktuar zhurmën e fortë që banorët e sinjalizuan si shpërthim?

Në mungesë të vendit të ngjarjes, teoritë janë disa. Së pari zhurmën mund ta ketë shkaktuar ndonjë avion që mund të ketë kaluar ulët.

Por burime nga forcat ajrore u shprehën se nuk kanë qenë në dijeni të fluturimit mbi hapësirën tonë ajrore të ndonjë avioni të NATO-s.

Pista e dytë ka të bëjmë me teorinë se mund të ketë qenë ndonjë shpërthim në ndonjë gurore. Por banorët thonë se shpërthimi erdhi nga deti duke e shtuar akoma më shumë misterin.

Një shpërthim i fuqishëm u ndje edhe në Britani para disa ditësh ku u bë e ditur nga kamerat e sigurive të rrugëve që ishin zhurmat që kishin shkaktuar avionët super sonik.

Lezha momentalisht është blinduar nga policia që po heton se çfarë ka ndodhur.

Shpërndaje
Share.

Komento