Kremlini pohon se Vladimir Putini nuk është ftuar në ceremoninë e betimit të presidentit të zgjedhur të SHBA-së, Donald Trump.
Marrëdhënia mes tyre ka qenë shpesh herë objekt diskutimi dhe është përshkruar si pothuajse miqësore.
Megjithatë, kjo nuk duket se përfshin dorëzimin e një ftese për eventin e shumëpritur.
Nga ana tjetër, presidenti kinez Xi Jinping ka marrë një ftesë, edhe pse ende nuk ka konfirmuar pjesëmarrjen në ceremoni.
Ekipi i Trumpit është duke diskutuar sakaq ftesat për liderë të tjerë botërorë, përfshirë kryeministrin hungarez Viktor Orbán. Karoline Leavitt, zëdhënësja e tranzicionit e Trump dhe sekretarja e ardhshme e shtypit, tha për CBS News: “Udhëheqës nga e gjithë bota janë rreshtuar që të takohen për t’u takuar me Presidentin Trump sepse e dinë se ai së shpejti do të kthehet në pushtet dhe do të rivendosë paqen përmes fuqisë amerikane në mbarë globin”.
Trump do të betohet në detyrë në një ceremoni inaugurimi e cila mbahet më 20 janar 2025 në ndërtesën e Kapitolit të SHBA-së në Washington D.C. Eventi është planifikuar nga Komiteti i Përbashkët i Kongresit për Ceremonitë Inauguruese, e përfshin betimin dhe fjalimin e rastit. Republikani rikthehet në Shtëpinë e Bardhë katër vjet pas largimit prej saj si presidenti i 47-të i SHBA-së.
