Presidenti Ilir Meta i ftuar në emisionin “Të Paekspozuarit” në “News 24” lidhur me mosdekretimin e Gent Cakajt si ministër i Jashtëm, tha se pavarësisht deklaratave të tij, nuk ndihet i kërcënuar, ndërsa argumenton edhe mbrojtjen që i siguron Kushtetuta, si kryetar i shtetit.
“Nuk është problemi se unë ndihem i kërcënuar, por dhe për arsyet e tjera që lidhen me gjithë historinë e origjinën time. Në radhë të parë ata që kërcënojnë Presidentin e Republikës, duhet ta dinë se është institucioni më i mbrojtur në Shqipëri nga Kushtetuta. Kushtetuta e thotë qartë, që është më i mbrojturi.
Kur tentohet deri këtu kuptohet se situata është rënduar shumë në raport me institucionet, me raport me mediat (kadrinjtë).
Presidenti është përfaqësues i shtetit si i tërë dhe pushteti të gënjen të tundon. Dëshira për të marrë sa më shumë pushtet për mund të cënojë institucionet.
Kryeministri nuk e gëzon një mbrojtje të tillë, mund të zgjidhet me 71 vota dhe të shkarkohet me 71 vota. Ndërsa Presidenti duhet të jetë i mbrojtur nga çdo lloj presioni i shumicës dhe zgjidhet për të shmangur krizat”-u shpreh Meta.
Meta shtoi se kryeministri Edi Rama duhet të ishte konsultuar me presidentin për emrat e ministrave të rinj para se t’i emëronte.
Meta u shpreh se Presidentit i është kërkuar takim 8 ditë, pasi ministrat ishin emëruar nga Rama. Sa i përket refuzimit të Gent Cakës për postin e minsitrit, Meta tha se nuk ka cilësitë e duhura për një pozicion delikat siç është Ministria e Jashtme.
Sipas kryeministrit ju jeni përfshirë në një konspiracion kundër presidentit të Kosovës me mos dekretimin e Gent Cakës?
Nuk kam pasur asnjë takim me presidentin e Kosovës. Ca lidhje ka kjo. Kush është konspiracioni? Ministri ka dimensionin kushtetues, pasi ai kur bëhet ministër është një institucion Kushtetues. Presidenti dekreton dhe shkarkon ministrat. Garant për këto cilësi në interes të shtetit është presidenti. Presidenti nuk ka rol ceremonial. Kushtetuta imponon një proces bashkëpunimi në interes të shtetit. Kryeministri duhet të bisedonte me Presidentin para se të bënte emrat publikë për ministra. Presidenti pasi është njohur me këto propozime ka vepruar në mënyrën më të shpejtë. Presidentit i është kërkuar takim pas 8 ditësh, pasi këta ishin emëruar. Në datën 5 u dekretuan të gjithë menjëherë, pasi i kishin cilësitë. Shqetësim për mua ka qenë ministri i Jashtëm, jo si person. Ministri i jashtëm ka rëndësi, pasi pasojat që mund të vijnë janë të pariparueshme. Ai mund ta cenojnë Kushtetutën edhe me pa vetëdije. Unë nuk kam dashur të bëj debat.
Ju nuk e keni takuar Gent Cakën?
Jo nuk e kam takuar asnjëherë. Një veprim i tij nëse do prodhonte pasojë, Edi Rama do thoshte se Ilir Meta e dekretoi. Unë nuk mund të bëj eksperimente.
Ai thotë se certifikatën e sigurisë edhe të tjerë nuk e kanë marrë?
Meta ka që në vitin 1992 në politikë dhe këto janë akuza të pavend. Unë i kam në rregull të gjitha certifikatat.