Me mbërritjen e koronavirusit në vendin tonë është vënë re një klimë shumë miqësore mes Presidentit Meta dhe kryeministrit Rama, gjë e cila është komentuar gjatë nga mediat.
Mirëpo, sipas Blendi Fevziut marrëdhënia mes dy palëve nuk është përmirësuar, por me ikjen e virusit debati politik do vijojë.
“Nuk e besoj, është krejtësisht normale. Meta më tha ka rakorduar për të zbatuar disa nga masat. Mos mendoni të ketë përplasje në një situatë pandemie. Debati normal do të vijë me zbutjen e masave. PD-ja nuk ka ndonjë debat, por denoncime. PD-ja po mundohet të përmirësoja ca gjëra po të verë në pah disa defekte, nuk është debat i mirëfilltë politike. Debati i mirëfilltë politik është si do të votohet, kur, reforma zgjedhore. Nuk besoj se do të jenë të njëjtë, pandemia solli edhe një lloj zhvlerësimi të sjelljes politike” tha gazetari Blendi Fevziu.
Sakaq, gazetari kërkoi që të respektohen masat e distancimit në mënyrë që mos të rikthehemi sërish në karantinë në verë, pasi do të jetë më i vështirë qëndrimi.
“Në gjykimin tim, besoj se nga fundi i majit do të jemi relativisht të hapur, por nëse do të ketë rritje mund të shkojmë mbrapsht”.
Ndërsa rreth masave të marra nga qeveria Fevziu u shpreh se kanë patur një ndikim pozitiv dhe ndonëse mund të bëhej më mirë në disa aspekte, situata është menaxhuar mirë.
“Pas një diskutim. Shumë gjëra mund të ishin bërë më mirë, por jemi në kushtet e panjohura. Nuk është se ka një formulë si duhet të ishin bërë gjërat, secila ka ecur me hamendje. Përmirësim mund të kishte në paketën ekonomike, si po bëhet disbursimi”.
Në fund ai komentoi edhe propozimet e ish-ministrit të Shëndetësisë Ilir Beqja, rreth përballimit të situatës ekonomike.
“Kostoja e asaj që do të paguajmë do jetë shumë e lartë, do të prekë njerëzit më në nevojë dhe hallexhinj. Ata që kanë më shumë mundësi financiare nuk preken deri në bazën e tyre. Unë nuk e pashë me vëmendje deklaratën e Beqajt, nuk di të them, por është absurde. Duhet të gjejmë një formë tjetër, nuk mund ta kërkosh duke ulur pensionet. Ja i ule, por me fasonët cfarë do të bësh, apo turizmin, nëse nuk do të ketë fluturime, se vendimi është europian. Nuk është zgjidhje e momentit. Nëse kriza do të arrijë në atë pikë për Shqipërinë do të ishte shumë e rëndë dhe katastrofë” tha ai.
