Qindra qytetarë janë mbledhur para pallatit të Kulturës “Aleksandër Moisiu” në Durrës. Në thirrjet e demokratëve për Berishën janë dëgjuar edhe thirrje kundër kreut të PD-së Lulzim Basha, ku i kërkohet largimi sëbashku me Edi Ramën.
Ndërkohë për të pritur Berishën, në Durrës nuk mungojnë as figura të rëndësishme të PD-së, emra si Edi Paloka, Oerd Bylykbashi, Gent Strazimiri, apo Flamur Noka.
Kujtojmë se ky do jetë takimi i katërt që ish-Kryeministri do të zhvillon me bazën e Partisë Demokratike, pas tre tubimeve të para që zhvilloi në Tiranë, Fier dhe Vlorë.
Berisha e njoftoi takimin në faqen e tij zyrtare në “Facebook”, si dhe ftoi demokratët t’i bashkohen.
Pas përjashtimit nga grupi parlamentar i PD-së, ai ka ndërmarrë një aksion politik për largimin e kryetarit Lulzim Basha.
Në 3 takimet e mëparshme, të mbajtura në Tiranë, Vlorë e Fier, e ka akuzuar Bashën si të shitur tek Rama. Ish-kryeministri ka nisur mbledhjen e 1500 firmave të anëtarësisë për të mbledhur Kuvendin Kombëtar të partisë kundër Bashës.
“Më lejoni të përulem me ndërim të thellë para jush. Durrsake dhe durrsakë, në familjet tuaja, në Shqiëpri dhe jashtë vendit. Kjo pritje e juaja, ky angazhim është mesazhi i shpresës që rrezaton në mbarë Durrësin dhe për shqiptarët kudo që ndodhen. Të gjendur në një situatë ndër më të vështirët, me një qeverisje që në 8 vite varfëroi shqiptarët në mënyrë të pandalshme. Në 8 vite, burgosi shqiptarët më shumë se rajoni i marrë së bashku. Vetëm në një vit u burgosën për çështjë civile 38 mijë shqiptarë, si asnjë vend tjetër në planet. Sepse njeriu që mori mandatin e tretë dëshmonte një pasion të shfrenuar për hekurat dhe burgun për qytetarët shqiptarë, duke shkelur liritë dhe të drejtat e tyre. Në 8 vite shqiptarët zbritën nga vendi me rrogat mesatare me të larta në rajon, në ato më të ulëta në rajon. Në 8 vite kaloi nga një rekord i zi në një tjetër rekord të zi. Në 8 vite mbetëm vendnumëro”, tha Berisha gjate takimit me demokratet e Durresit.
