Parlamenti Evropian (PE) dhe Këshilli i Bashkimit Evropian ende nuk kanë arritur koncensusin për palnin e rritjes ekonomike në Ballkanin Perëndimor.
Këto dy institucione janë duke i vazhduar bisedimet për këtë nën një presion të madh kohor. Për miratimin formal të këtij plani, i cili përfshin 6 miliardë euro ndihmë financiare për gjashtë vendet e rajonit, është i domosdoshëm pajtimi i Parlamentit Evropian dhe Këshillit.
Kujtojmë se gga 6 miliardë euro, 2 miliardë do të jepen si grante pa kthim, ndërsa 4 miliardë në formën e kredive të favorshme.
Mësohet se raundi i ri i bisedimeve mes PE-së dhe KiE-së për këtë çështje do të mbahet në muajin prill, i cili do të jetë dhe takimi i fundit.
Kjo datë është edhe afati i fundit për arritjen e marrëveshjes, sepse, nëse nuk ka pajtim deri atëherë, nuk do të jetë e mundur që vendimi të votohet në seancë plenare të Parlamentit Evropian.
Për shkak të zgjedhjeve për Parlamentin Evropian në qershor, seancat e fundit plenare do të mbahen nga 21 deri më 24 prill.
Votimi për këtë plan është planifikuar për një seancë më 23 prill. Por, para votimit duhet të përfundojnë bisedimet mes Parlamentit dhe Këshillin, dhe marrëveshja e tyre të votohet në komisionet e politikës së jashtme dhe të buxhetit.
Nëse plani dështon të votohet deri atëherë, ai do t’i mbetet në dorë përmbërjes së re të Parlamentit Evropian, pra kah fundi i këtij viti.
