Bashkia e Kukësit dhe Matit nisin zbatimin e vendimit të Metës: KQZ të lirojë ambientet

Google+ Pinterest LinkedIn Tumblr +

Kreu i bashkisë së Kukësit Bashkim Shehu i ka kërkuar Komisionit Qendror të Zgjedhjeve nëpërmjet një shkrese lirimin e menjëhershëm të ambienteve të KZAZ nr. 11. Këto ambiente ndodhen pranë qendrës kulturore “Hasan Prishtina”, si dhe ambientet e palestrës sportive të shkollës së mesme të Përgjithshme “Havzi Nela”.

Kjo ka ardhur menjëherë pas botimit të dekretit të presidentit Ilir Meta për anulimin e zgjedhjeve të 30 qershorit. Ndaj edhe autoritetet vendore duan të nisin punën për zbatimin e dekretit të presidentit.

Kryebashkiaku i Kukësit ka kërkuar gjithashtu në shkresë heqjen e listës së zgjedhësve të afishuar në institucionet arsimore. Ndërkohë mbas bashkisë së Kukësit, ajo që ka ndërmarrë të njëjtën nismë ka qenë edhe bashkia e Matit.

Në këtë shkresë kërkohet lirimi i ambienteve të përcaktuara për zgjedhjet e 30 qershorit. Bashkia Mat administrohet nga Nezir Rizvani, përfaqësues i PD-së.

Shpërndaje
Share.

Komento