Kreu i Partisë Deomkratike, Lulzim Basha ka thënë se ai do të japë dorëheqjen nëse anëtarët e Këshillit Kombëtar, në mbledhjen që po mbahet tani, mendojnë se zgjedhjet janë në rregull. Ai tha se në shtator do të betohet para Gramoz Ruçit në Parlament, ndërsa në fushatën për kryetar të PD do të shpalosë mekanizmin se si rama nuk do të vjedhë më zgjedhje.
‘’Zgjidhni dhe dua tju shoh të gjithëve në sy. Ose zgjedhjet janë të vjedhura dhe vazhdojmë në betejë, ose nëse për ju janë në rregull, atëherë unë jap dorëheqjen tani. Do të betohem para Gramoz Ruçit në shtator. Në fushatën për kryetar të PD do shpalos mekanizmin se si Rama nuk do vjedhë më zgjedhje”, ka thënë Basha.
Në mbledhjen e sotme të Kryesisë së Partisë Demokratike, Bashës i është kërkuar disa herë dorëheqja, Fatbardh Kadilli e bëri atë përgjegjës për humbjen duke thënë se ajo erdhi si pasojë e defekteve të tij personale. Po ashtu Bujar Nishani ka kërkuar dorëheqjen e parevokueshme të Bashës pasi ka humbur tre herë në zgjedhje. Ai tha se kur shqiptarët shohin se nuk respekton kushtetutën e partisë, nuk besojnë se do respektosh kushtetutën e shtetit dhe nuk do të votojnë Shtabet elektorale të PD që u lanë pa asnjë financim në bazë.
