Basha mungon në gjyqin për lobimet ruse, përfaqësohet nga avokatët e tij

Google+ Pinterest LinkedIn Tumblr +

Ditën e sotme do të zhvillohet seanca e parë gjyqësore ndaj kreut të PD, Lulzim Basha, për çështjen e lobimeve ruse në SHBA.

Mësohet se kryedemokrati nuk do të paraqitet në seancë, por do të përfaqësohet nga avokatët e tij, Ivi Kaso dhe Eduart Halimi.

Së bashku me Bashën, të pandehur janë edhe Arben Ristani dhe financieri Ilir Dervishi.

Mbi të tre, rëndon akuza e falsifikimit të formularëve.

Hetimet për lobimet ruse, nisën pas dy letërporosive të cilat erdhën nga SHBA dhe Skocia.

PD pretendohet se i ka paguar 525 mijë dollarë kompanisë “Stotington Strategies” dhe 150 mijë dollarë, “Biniatta Trade”.

Pagesat e kryera nuk janë deklaruar në raportin financiar të PD dorëzuar në KQZ, në zgjedhjet e 2017-ës.

“Biniatta Trade” ndërkohë është pjesë e një zinxhiri kompanish, të regjistruar në Belize, shtet ky i njohur si parajsë fiskale.

Pronarë të saj me 75% të aksioneve, janë shtetasit rus, Evgeny Sheremetyev dhe Kostantin Ferulev.

Shpërndaje
Share.

Komento