Nga Kavaja, kryetari i Partisë Demokratike, Lulzim Basha u shpreh se vendi po qeveriset nga një qeveri, e cila ndan paratë e shqiptarëve me një numër të vogël njerëzish.
Ai premtoi se gjëja e parë që do të bëjë partia e tij kur të vijë në pushtet do të jetë aborgimi i Ligjit të Arsimit të Lartë.
“Ne e kundërshtuan në Parlament dhe Partia Demokratike votoi kundër Ligjit të Arsimit të Lartë. Ditën e parë që do të vijmë në pushtet, do të abrogojmë Arsimin e Lartë. Duke u bazuar në këtë ligj, Edi Rama bëri një gjë tinzare. Për shkak të këtyre taksave, shqiptarët paguajnë energjinë më shtrenjtë në rajon. Këto taksa nuk përdoren për të siguruar arsimin e mirë universitar. Këto taksa në vend që të shkojë për të lehtësuar punën tuaj, ato përdoren nga dy tre duar. Arka e shtetit dhe paratë që merren nga shqiptarët kanë shkuar në xhepat e oligarkëve”, tha ai.
Gjithashtu Basha në nënvizoi faktin se Shqipëria do ecë përpara vetëm nëse shtohen investimet në fushën e arsimit, ndërsa i bëri thirrje rinisë që të marrë në dorë fatin e vet.
“Po ngrihemi për t’i dhënë fund një shteti grabitqar. Misioni më i rëndësishëm i PD, është që kjo rini të marrë në dorë fatin e vendit nesër. Që ta bëjmë këtë, natyrisht që të rikthejmë impulsin e zhvillimin pozitiv si parakushte të zhvillimit. Pa investuar në arsim vendi shkon në kapitullim dhe dështim total. Dyfishimi për arsimimin e lartë”, tha mes tjerash Basha.
Kreu i PD-së nga Kavaja u shpreh i bindur se me 16 shkurt shqiptarët do kenë mundësinë t’i japin fund kontratës sociale me qeverinë e Ramës.
“E konviktet apo shpisë që do marrin me qira, e meritojnë mbështetjen nga shteti,ndaj edhe për 5000 studentë do kenë mbështetje për koston e transportit publik, edhe interurban që të shkojnë të vizitojnë prindërit. Edhe pas këtyre ndërhyrjeve mbetet mjaft para për të ndërhyrë në konvikte.
Edhe në Afrikë ndoshta nuk mund të gjesh vende ku kompjuteri mund të mësohet me shkumës dhe dërrasë të zezë. Është një fjalë e gjatë për të thenë më shumë luks për Ramën dhe ministrat. Shuma të jashtëzakonshme, mafton të shihni kontrastin, shkojnë për PPP-të e famshme që janë skema e vjedhjes së parave. Mbeten maftueshëm para për t’u marrë me çështje të mprehta siç është arsimi parauniversitart, siç janë pensionet.
Shteti është një kontratë sociale me qytetarët. Rama e konsideron përgjegjësinë e qeverisjes privilegj personal. Me 16 shkurt qytetarët me pjesëmarrjen e tyre do zgjidhin kontratën e tyre me Edi Ramën dhe bandën në pushtet.
Kemi edhe tjetër për të sqaruar, jo vetëm vendosmërinë e Kavajës, por edhe argumentat pse duhet të jemi të gjithë bashkë. Mesazhi që dua t’ju jap sot është që Shqipëria ka ende shpresë, që të mbaroni studimet. Kemi mundësinë që të mos ndiheni as vetëm, as të zhgënjyer as të tradhëtuar. Me planin tonë ekonomik, do kemi të gjitha mundësitë jo vetëm që të kthejmë shpresën .
Para se të vijë kjo kemi para një betejë, unë sot me bashkëpunëtorët e mi dua të përshëndes Sekretarin e Përgjithshëm të Partisë Demokratike, Gazmend Bardhi. Themeli i të keqes është kapja e pushtetit nga njerëz të lidhur me krimin.
A do ta lejojmë t’ja grabisin shpresën rinisë së Kavajës apo edhe Shqiprisë. 16shkurti është dita kur do ndezim shpresën”, u shpreh ai.
