Banorët e Bërxullës nuk dorëzohen, ata sërish kanë dalë ditën e sotme në protestë, teksa u shprehën se tek lejet e lëshuara qëndron një hile
Sipas banorëve, aktualisht po shfrytëzohet fushata elektorale për t’i mbajtur me premtime banorët, por nuk u është bërë rivlerësimi i pronave. Ndërkohë që një nga banorët komentoi dhe posterat që kryeministri Edi Rama ka vendosur në Tiranë në kuadër të fushatës elektorale të 14 majit.
“Ta harrojnë se mund të mposhtin popullin tonë, mallkimi ynë do i zërë dita ditës. Ne do protestojmë, inshallah marrin gjithë arsenalin e tyre, fitorja është e sigurtë. Shqiptarët na kanë dhënën mesazhin se do fitojmë, po na thonë se kryeministri po sulmon në çdo cep. Këta janë mësuar me sistemin e kaluar, po ka ardhur frymë demokratike dhe ne kërkojmë të drejtat tona. Unë do ta jap jetën time, do jenë 200 media. Do ta bëj atë që se ka bërë kush, ti thirrë mendjes kryeministri dhe ajo ministre. Me ultimatume ne mund të bëjmë më shumë, nuk durojmë më. Ka vendosur 1000 posterara, po kush po ia sheh surrati, ai i palarë. Ti heqë menjëherë, siç i hoqi tonat. Ka 100 mln lekë që po i ha me tokën këtu, populli nuk e duron dot. Mallkimin tonë në kokë e kanë, ne kemi durim dhe do e mposhtim”, tha ai.
Gjithashtu në deklaratat për mediat ata janë shprehur se tokat e tyre duhet që të vlerësohen sipas çmimit të tregut. Ndërkohë që kanë theksuar se deri sa të marrin përgjigje nga Hipoteka nuk kanë për tu tërhequr nga kërkesat e tyre të ligjshme.
“Kërkojmë të nxjerrin verat e banesave dhe pronave sipas vlerës së tregut. Si merret kjo pronë? Në do vazhdojmë me protesta para zyrave të Hipotekës, deri sa të na jepet zgjidhje, nuk tërhiqemi nga kërkesat tona të ligjshme. Kush vjen për tek banesa ime, i gjallë nuk futet. Mos ta ketë të lehtë kryeministri dhe Balluku që do bëjnë rrugë në fshatin tonë”, u shpreh një përfaqësues nga banorët.
